مطرووود اجباااري !!!!!

وجاي اليوم تسالني وش هي اخر الاخبار
غريبة كيف ما تعرف وانت متابع اخباري
ولا قالوا لك ايش سويت ومنهو في طريقي صار
ولا حسيت بجروحي ولا نقلوا لك اسراري
تطمن ماني تلك اللي على خبرك تعد اقمار
وتجلس مثلما العاجز تغازل حلمها الساري
اكيد بتستغرب من اللي قد جرالي وصار
ابد لا تكون مستغرب وانت عارف وداري
خلاص اللي مضى ولى وعدى مثلما التذكار
يجيلك يوم تنساني وتنسى دمعي الجاري
قدر عشته ومن ذا اللي يطول يغير الاقدار
يا غير اللي خلق هالكون ربي الواحد الباري
انا ماني على خبرك اسيرة قلبك الغدار
محال تعيش فروحي وتسمع رنة اشعاري
يكون بعلمك افهمني لغيتك والزمن دوار
وعينتك في خارج دنيتي مطرود اجباري
لا تتصور اتالم واشكي وانهزم وانهار
عشم ابليس في الجنة اذا فكرت بنهياري
ابشرك عندي امسية وبنشد اعذب الاشعار
واذا قالو قصيدي لك كذب من جاب لك طاري
انا ماني هاذيك اللي تنادي الفارس المغوار
على صهوة جواد الحلم ياتي بالفرح ساري
شطبتك من شراييني وصرت النار والاعصار
اجوب العالم بكيفي ولا من يخنق افكاري
حقيقة مرة ادري بس هذا اللي جرى وصار
تحمل وزر غلطاتك يجوز تحسن وتداري
وتعرف كيف كنت بيوم اجمل واعذب الاسرار
وكيف انك فلحظة صرت واحد ضمن ملياري
تقبل خالص افراحي وعيش في دنيتك غدار
مثل ما متعود لا همك ولا داري
خلاصة هالكلام انك غدرت باول المشوار
واللي هاذي بدايته حرام تشوفه انظاري

لكم اعذب تحيه ....